不少人愛吃自助餐，覺得用一個價錢任食數十款食物十分抵，網友Brisbane想食自助餐卻有難言之隱，「28歲先第一次食自助餐有冇問題？」原來他未嚐過自助餐滋味，不知吃自助餐有甚麼要注意地方，又擔心「唔識食」蝕底，現時心情忐忑不安。

很多網友說28歲才第一次吃自助餐沒有問題，「我阿爸、阿媽，都要50幾歲人先第一次去酒店食自助餐。」網民Pit_Pit說，他近年才帶年逾半百的父母吃自助餐，28歲才初嚐自助餐，不是很出奇。但網民KiteWong則認為「有啲奇怪」，「香港食自助餐太普遍，細時會有親戚請你去，大個就同同學、朋友去，28歲先第一次食，真係遲咗啲喎。」

「最緊要唔好搶食」

網友Cili指幾多歲吃自助餐也沒有問題，「最緊要係你去食嘅時候，唔好好似某啲人咁搶嘢食，又唔排隊，自己食幾多先拎幾多，唔好浪費。」網友Tscr701笑言從小已日日吃自助餐，而且好味又方便，「其實響屋企食飯都係自助餐嘅一種呢！大廚（阿媽）喺廚房拎幾碟食物出嚟放低，你鍾意食乜就食乜，咁仲唔係自助餐？食完可以自己去雪櫃拎雪糕、汽水、生果食，呢種自助餐，你幾歲先開始食呀？」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。

一經採用可獲酬100元
請附姓名、電話及電郵地址，電郵到：[email protected]