【好有心得】原來係住家男最鍾意「砌衫」 古天樂享受去外國買衫

蘋果日報 2017/12/17 12:51

古天樂黃浩然倪晨曦砌衫
    古天樂、黃浩然、倪晨曦噚晚喺銅鑼灣出席日本服裝品牌Mastermind World 概念店開幕。
    古仔經營各種生意，暫時未有服裝品牌，佢話：「鍾意買衫多啲，自己喺香港好少可以去街買衫，去到外國可以一手揀衫、試衫、親手畀錢感覺好開心，情願做消費者。」係咪怕合作有拗撬？古仔話：「冇諗咁多，我細個時啲衫褲全部都係阿媽親手做，阿媽以前會睇電視啲時裝節目然後模仿，我著阿媽啲衫去到大約七、八歲，佢真係自己買布自己用腳踏衣車做，呢個由細到大對著衫文化好有情意結。」古仔都係走潮人衣著，佢偶爾都會有興趣交流下設計，但就冇付諸實行。
    見古仔一身衣著就知花費買衫昂貴，佢話：「鍾意儲衫多，屋企有啲衫牌都未剪，冇統計過用幾多錢買衫。」古仔仲分享咗平時喺屋企都會做住家男整理衣服，佢話：「最緊要識得執衫，有啲朋友唔係屋企冇位，係唔識整理，我鍾意自己砌衫，夏天衫同冬天衫一定要分開擺，大部分衣帽間都係放冬天衫，不過整理比較麻煩。」古仔仲話自己一向都好整齊，家中唔單止衣帽間，每一個角落都係。
    噚晚氣溫驟降倪晨曦著咗條短裙現身，佢稍後會進軍拍電視劇，演出一部愛情戲，初步已知劇集會喺香港同歐洲拍攝，話明係愛情片應該不乏浪漫親熱？倪晨曦話：「唔會去到好盡，事前一定會溝通過，會同男朋友講聲。」

    更多娛聞，喺晒《娛果》
    http://fb.com/appledailyent
    empty
    攝影：陳慧安
    empty
    古天樂、黃浩然、倪晨曦噚晚喺銅鑼灣出席日本服裝品牌Mastermind World 概念店開幕。
    empty
    古仔經營各種生意，暫時未有服裝品牌，佢就話自己鍾意買衫多啲。
    empty
    empty
    黃奕晨Dixon。
    empty
    黃心美。
    empty
    倪晨曦。