宅男機不離手，打機打到暈低都聽過。但有無諗過，打機可以由宅男變車神。記者喺GP3賽場遇上車壇傳奇人物馬登保路（JannMardenborough），效力Carlin車隊嘅佢原來四年前參加PlayStation大賽，喺900人中脫穎而出，有大學唔讀走去讀GTAcademy，舊年仲開始有份出戰GP3，同港產車神方駿宇亦敵亦友。佢話高中畢業後打電話去大學，放棄產品設計學位。除咗因為背景傳奇，馬登保路仲因為把聲似足黑帝而成為話題，佢話自己都好仰慕咸姆頓，夢想兩年後好似佢咁登上F1舞台。