韓國男神宋仲基跟神劇《太陽的後裔》拍檔宋慧喬將於下月31日結婚，二人本月初齊齊飛美國拍攝婚照，據知雙宋日前已秘密返韓。有網民近日就偶遇喬妹，當時喬妹以悠閒打扮跟朋友於梨泰院某咖啡室見面，喬妹亦未有戴帽或口罩遮樣，跟朋友傾得好開心。

喬妹噚晚於Ig Story公開一張香薰蠟燭嘅相低調放閃，有眼利嘅網民見到蠟燭上寫有「For Kyo & Joong ki」（給喬&仲基），估計係朋友送畀雙宋嘅禮物。

另外，有網民聲稱於宋仲基所屬事務所Blossom Entertainment嘅大廈電梯內見到喬妹，而大廈除咗有Blossom Entertainment外，更有婚紗店，唔知喬妹係去搵未婚夫定試婚紗呢？