韓劇《繼承者們》女星朴信惠今日三度喺台灣舉行粉絲見面會，佢以一身紅裝現身，先獻唱第一首歌《愛如雪》後，就即場大講台語問候粉絲：「大家好，我是朴信惠。」佢自爆來台前已練習，,不過都係覺得發音好難，自認講得唔太標準。

同時又喺現場唱中文版嘅《MY DEAR》，粉絲聽到佢中文歌詞，開心歡呼。朴信惠之前主演嘅韓劇《Doctors》，飾演身手敏捷嘅醫生，亦都有親自演出唔少打鬥戲，佢喺現場都有同粉絲回顧《Doctors》嘅經典畫面，又特別剪咗同劇中角色一樣嘅瀏海，不忘反問粉絲：「好看嗎？」

之後同粉絲互動，穿上醫生袍親自為粉絲解答煩惱，有男粉絲要佢推薦韓國好玩嘅旅遊景點，佢就建議大家可以去南山睇睇，到全州亦可以食到最道地嘅韓國美食。後半場佢換上綠色洋裝並套上圍裙，展現廚藝為粉絲做兔子造型嘅飯糰，讓全場粉絲睇到佢平易近人嘅一面。