當年今日
關於我們

【逆權運動】王宗堯參加 「香港之路」:我哋已經冇咗免於恐懼嘅自由

蘋果日報 2019/08/23 22:37

王宗堯香港之路

效法30年前「波羅的海之路」 ,組成二百萬人鏈爭取獨立的壯舉,今日香港人發起「香港之路」,以和理非方式繼續向政府爭取五大訴求,晚上在全港各地一同舉行,港人們都積極參與,以人鏈方式包圍整個銅鑼灣,藝人王宗堯晚上亦現身參加。
王宗堯形容今次是絕對和理非的方式去爭取訴求,尤其這幾日香港經歷包括國泰航空、機管局及港鐵等多個大型機構陸續出現員工被離職的白色恐怖事情:「有市民、有抗爭人士、有去聲援佢哋嘅人,甚至有啲只係喺社交網站講咗兩句嘢,都要被解僱被欺凌,甚至俾人斬俾人打,真係令人幾沮喪。我覺得今次係一個跨界別嘅活動,因為我哋已經冇咗免於恐懼嘅自由。」
他認為以前可能只在娛樂圈才有被打壓的情況,但現在不幸地似乎各行各業都受影響:「匯豐同國泰就是好例子,而且有好多人喺大陸過關都俾人扣查,最新就係英國領事館職員嘅『被嫖妓』,所有嘢都係唔合理,而剛剛俾港龍航空辭退嗰位公會主席,亦都係我認識,當年拍攝《導火新聞線》嘅時候佢亦都有幫手幫我哋拍攝一條宣傳短片。」
自6月開始至今,每星期都有不同示威活動,王宗堯直言每個星期都有參與:「出嚟出得密過踢波。」但對本身工作可有影響?他說:「6月時知道有咁嘅事已經將一啲工作延遲,有啲本來要呢兩日做,但其實大家都心繫香港,屋企有事大家都想搞番掂先,好好彩同我合作嘅人大家都好熱心香港嘅事,所以全部都好諒解。」
的確,作為香港人現在似乎已無路可退,王宗堯亦同意甚至形容現在我們是背水一戰,他說:「真係只有眼前事,沒有身後啦!我都會帶番個口罩同大家手拖手嗌口號,呢一件係全香港人嘅事,唔係要攞乜嘢光環,總之盡做。」
採訪:曹家誠
攝影:馮嘉銘
------------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9
empty
(攝影:馮嘉銘)
empty
王宗堯形容今次是絕對和理非的方式去爭取訴求。