地產多聲道：新地開鑼軟銷荃灣新樓盤
蘋果日報 2004/09/20 00:00
新盤加價都去到貨，但喺宣傳上，發展商一啲都冇掉以輕心，絞盡腦汁度新橋。荃灣爵悅庭，售樓紙雖未到手，新地已經展開連串軟銷攻勢。噚日喺沙田新城市廣場開放展覽館，設計睇落好似太空船。
新地代理總經理周國賢話，展覽館設計劃時代，代表荃灣已經進入新紀元，香港西部交通好方便。太空船兩邊見到嘅數字，係同爵悅庭距離嘅時間，好似去機場只要十八分鐘。展館只開十四日。
點解揀呢度展覽，當然因為新城市廣場搞得好成功，人流旺到爆啦！
荃灣其實係繼新城市廣場之後，佢哋第二個大量投資房地產嘅新市鎮，荃灣中心就係一例。
呢隻太空船，喺小朋友心目中，原來似燈籠多啲，可能因為下個禮拜係中秋啩。
美聯中原深井破財
發展商每次開盤，都希望以和為貴，非常重視代理嘅秩序，九倉賣深井碧堤半島二期之前，事先已經講明罰則，包括扣佣同罰錢。
不過，噚日場面熱鬧嘅售樓處，終於都發生小衝突，中原同美聯員工，居然喺售樓處，當住發展商面前爭拗，想唔俾人罰都幾難。
九倉黃光耀話，開盤前已經要各代理行放低二十萬按金，有咩事發生就扣錢，噚日即場已經口頭同兩間行講咗，每間都要罰五萬蚊。
蘭西心諗，若果俾地產代理監管局捉到，又會點呢？使唔使停牌？
新地代理總經理周國賢話，展覽館設計劃時代，代表荃灣已經進入新紀元，香港西部交通好方便。太空船兩邊見到嘅數字，係同爵悅庭距離嘅時間，好似去機場只要十八分鐘。展館只開十四日。
點解揀呢度展覽，當然因為新城市廣場搞得好成功，人流旺到爆啦！
荃灣其實係繼新城市廣場之後，佢哋第二個大量投資房地產嘅新市鎮，荃灣中心就係一例。
呢隻太空船，喺小朋友心目中，原來似燈籠多啲，可能因為下個禮拜係中秋啩。
發展商每次開盤，都希望以和為貴，非常重視代理嘅秩序，九倉賣深井碧堤半島二期之前，事先已經講明罰則，包括扣佣同罰錢。
不過，噚日場面熱鬧嘅售樓處，終於都發生小衝突，中原同美聯員工，居然喺售樓處，當住發展商面前爭拗，想唔俾人罰都幾難。
九倉黃光耀話，開盤前已經要各代理行放低二十萬按金，有咩事發生就扣錢，噚日即場已經口頭同兩間行講咗，每間都要罰五萬蚊。
蘭西心諗，若果俾地產代理監管局捉到，又會點呢？使唔使停牌？
樓市向好，買賣漸見頻仍，利嘉閣周德龍話，公司喺年初，幫個客用九十八萬，入咗件沙田第一城三十九座中層F，四百呎，日前出貨，作價一百一十三萬。跟住再幫佢買番個同屋苑單位，呢個二十二座高層A，六百三十四呎，購入價一百九十三萬，每呎逾三千。一年內同一個客做到三單生意，都算厲害。
另外，中原陳世民話，一名澳洲留學生，畢業回港後，購入四十六座中層D，四百一呎，成交價一百零八萬。
久未露面嘅長實趙國雄，原來忙緊集團同中東銀行合作嘅房地產投資基金工作，早排重去咗杜拜開會，問佢有乜進展，佢話好消息陸續有來。
對於近期香港樓市嘅熱門話題勾地，佢就推話說唔知道，又話唔單止唔知集團有冇份勾地，就連兩幅地皮嘅基本資料，都唔係好清楚。至於集團有份嘅土瓜灣傲雲峰酒店部份，招標嘅最新進展係點，老趙都係嗰句，唔知。
雖然佢講過，今年會少啲賣樓，做多啲其他業務，但係身為集團執行董事，聲稱乜都唔知，都幾難令人相信。
近排樓市熾熱，一手二手成交大增，但原來唔少屋苑仍然「斯人獨憔悴」，買賣不加反減。
祥益地產副董事張才權話，今個月上旬，屯門十大成交量減少嘅屋苑，以居屋兆軒苑最慘情，要食蛋，八月同期就有四宗買賣。同樣係居屋嘅悅湖山莊，交易得番三宗，減少咗五單。
至於區內十大銷情慘淡屋苑中，較多人熟悉嘅私人屋苑，有大興花園、南浪海灣及嘉悅半島。
講完交投減少嘅屋苑，當然要提吓宗數增加嗰啲，張才權話，最突出係卓爾居，由八月同期嘅冇交易，激增至本月上半月嘅八宗，認真氣勢凌厲。至於居屋兆麟苑，就有七單交易，比上月同期增加五宗。
蘭西
電郵地址：
沙田第一城
悅湖山莊交投勁減六成，只得三單。