本月4日，戴志偉接受本報訪問時，否認曾於WeChat發言煽動言論、鼓勵反佔中市民向佔中人士掟雞蛋；及後群組中姜姓友人昨晚即再於fb留言及貼圖，力證戴志偉講大話。(新聞連結: http://bit.ly/1rklvpf )

戴志偉今日接受本報訪問時，再度否認曾發表上述煽動語句，更直斥該名姜姓男子誹謗：「同佢（姜先生）已經冇聯絡，立場上我中立，總之要香港好。我冇任何嘢講。如果再落去，我唔排除採取法律上行動。」更向本報記者提出是否有相關證據可提供。

至於為何「AndyTai」會於WeChat群組發表煽動言論，戴志偉不排除是被冒名:「可能係俾人hack，我對呢樣嘢(WeChat)我一竅不通，我唔知0架。呢個group係用嚟打波0架嘛，但我依家退出咗啦，我都唔知有啲咩人喺個group，喂，無謂…我唔想網絡太多嘢，香港已經咁樣喇，嗱，好似啲細路仔咁……依家有人惡意中傷我，你俾啲資料我，我唔排除用法律行動。」

對於姜先生於WeChat中向AndyTai表示「請你以後不要在公開場合再同我打招呼，因為你會好x瘀。」戴志偉受訪時再問:「依家佢恐嚇我呀？咁如果係我要報警0架喇。」之後再問記者索取相關證據。記者問戴志偉今日會否採取行動？戴就推卻謂表示現正打波，未能處理。