法甲|PSG隊長馬昆奴斯對厭180萬法拉利:我寧願call的士
巴黎聖日耳門法甲馬昆奴斯哥利亞法拉利
現今球壇嘅足球員,出入由超級跑車代步都唔係啲咩出奇嘅事。不過法甲巴黎聖日耳門(PSG)隊長馬昆奴斯哥利亞,有架17萬鎊(約180萬港元)嘅紅色法拉利458 Italia跑車唔揸,寧願揀另一架「紅色跑車」call的士,佢就話部車係要用嚟欣賞。
26歲嘅巴西後衞馬昆奴斯今季接任離隊去車路士嘅堤亞高施華,出任PSG隊長。踢咗呢支法甲豪門咁多年,今日嘅馬昆奴斯已經生活無憂,但佢話冇忘記過去艱難嘅生活。佢早排就透露,自己寧願搭的士,都唔會坐喺自己架法拉利入面,事關佢覺得呢架靚車係要留番嚟欣賞,時刻提醒住自己喺體壇攞到嘅成功。佢話:「我一嚟到PSG就買咗呢架車,但坦白講,我好少揸,我其實唔鍾意揸車,我知道有啲球員鍾意自己揸靚車出街,但我唔係。」
「嗰架法拉利,我其實有啲對厭咗,我只係同屋企人或者朋友出去,我先會揸,我鍾意同其他人一齊開心share。」馬昆奴斯又話,自己其實仲鍾意架車,車上嘅零件係佢嘅歷史一部份:「我以前成日都諗,當變成專業嘅足球員,去到一間大球會之後,我就會獎勵自己買架靚車,我想滿足自己所有需求。所以我買佢嗰日,真係歷史性嘅一日,有條法拉利車匙喺手,我就同自己講:『你得咗喇!架跑車係你㗎!』」
-----------------------------
邦民送您新春大利是!只要喺2021年2月1日至2021年2月28日期間首次提取貸款,可即場獲基本獎賞現金高達港幣$3,500 及額外獎賞港幣$300現金大利是▲!
利用轉數快,仲可以實現貸款瞬間過數^,星期日都照批★!。
推廣期由2021年2月1日至2021年2月28日(包括首尾兩天)
須受條款及細則約束,詳情留意邦民日本財務(香港)網頁。
-----------------------------
-----------------------------
-----------------------------