當年今日
關於我們

【超蕸榮升東華主席】千嬅子高拍拖撐場超儀捐款支持家姐

蘋果日報 2015/04/02 06:00

蘋果香港主席楊千嬅何超儀丁子高賭王何鴻燊何超瓊torres東華三院即時何超蕸全力扣殺

東華三院噚晚喺尖沙嘴洲際酒店,舉行董事局就職聯歡晚會,賭王何鴻燊千金何超蕸榮升主席,除咗三姊妹超瓊、超鳳同超儀(Josie)到齊撐場,仲邀請咗好友楊千嬅同丁子高出席。

Josie就話嚟撐家姐:「撐佢!佢捕咗主席七年,恭喜佢,能夠成功,東華都好支持我哋套《全力扣殺》。」訪問其間,Josie遇到剛剛嚟到嘅千嬅夫婦,佢哋一見面就雞啄唔斷,原來係要互撐對方部戲,Josie話:「互撐呀,佢演老師、正派呢啲真係好得,入咗血。我N年前都做過老師,不過外表斯文,內裏係基嘅。」

講起點樣支持家姐嘅慈善工作,Josie話:「捐錢撐佢。(會唔會喺《歡樂滿東華》表演?)睇吓玩咩﹗高難度嘅我一把年紀,少少唱吓歌OK。(妳嘅歌太激?)刺激吓佢哋,一出嚟就醒一醒。」Josie仲話今日會為電影錄主題曲,12個人一齊迫爆錄音室。

至於千嬅就同老公恩愛到場,見千嬅依然咁瘦,佢話:「已經比開演唱會時肥咗5、6磅,食埋復活節,又要開始keepfit,因為六月巡迴。」到時就到時間,千嬅仲話會帶埋囝囝Torres一齊去演唱。

問到千嬅同老公會唔會拍拖keepfit?佢話:「唔會,呢個係好私人嘅時間,自己可以hea吓,屋企時間就畀晒個仔。」難得噚日兩個拍住拖出席晚宴,千嬅話:「我哋有一個星期冇一齊食飯,今日終於可以。個仔大個,有次知道我要飛,專登擺啲lego喺我隻鞋入面,仲要最尖嗰隻,我都知唔可以忽略佢。」