馮仁昭四圍超：亞姐新女又上場 - 馮仁昭
蘋果日報 2012/12/31 00:00
亞姐選舉好似死唔斷氣咁款，噚日終於公佈最後18位入圍佳麗，佢哋齊集大埔總台出席「ATV2012亞洲小姐競選總決賽」記者會，下月21日選出冠、亞、季軍。來自新加坡1號鄭敏儀噚日因為腸胃炎缺席，嚟自港澳特區嘅12號許麗莉個樣雖然平凡，但勝在有運，佢頂替因為要照顧阿媽而退選嘅閰琰，佢話對自己有信心。來自哈薩克斯坦嘅7號維利莉亞．哈拉莫娃同前亞姐舒夫真高係同鄉，佢都希望同對方一樣贏個比賽。
亞視安排藝員上堂，亞姐贏咗唔知使唔使被迫返學？16號黃壁安識做話：「學亞視歷史，why not？亞視對我哋好好，學嘢有乜問題？」
亞視安排藝員上堂，亞姐贏咗唔知使唔使被迫返學？16號黃壁安識做話：「學亞視歷史，why not？亞視對我哋好好，學嘢有乜問題？」
亞姐終極一戰將於下月21日舉行，佢哋都係由不同賽區選出來嘅精英佳麗。
蔡國威求加薪25%
噚日擔任司儀嘅蔡國威，因頂埋被炒咗嘅戚黛黛做六合彩主持而放棄旅行，佢話公司肯賠番已買嘅機票錢，但佢就想加25%人工，佢話﹕「李麗珊、譚杏藍、周嘉莉、馮家俊同林紫君星期四會面試，決定權由馬會話事。」
撰文：馮仁昭
撰文：馮仁昭
3號絲域蘭娜．古拉高華（左）同7號維利莉亞．哈拉莫娃樣子甜美，維利莉亞希望好似同鄉舒夫真高一樣奪冠。