由韓國女星韓孝珠主演嘅電影《我的變身男友》於2015年上映，故事內容講女主角愛上咗每天會變成唔同性別及唔同國籍嘅男主角，前後演男主角一角已近百人，當中包括朴敘俊、朴信惠、李鎮旭、上野樹里、李玹雨、徐康俊、李棟旭、金柱赫等。

而早前JTBC方面就宣佈開拍電視版《我的變身男友》(Beauty Inside)，《Beauty Inside》由徐玄振及李民基擔演，當中電視版方面就會講徐玄振飾演每個月都會變一次身嘅頂級明星，徐玄振每個月到一個日子就會變成另一個人，而李民基則飾演航空公司嘅本部長，本身李民基就患有人臉識別障礙症，平日靠觀察人哋嘅小動作及習慣來認人，不過自從佢同徐玄振相遇後，生活就發生巨大變化。

劇組日前就公開首段預告，當中徐玄振喺預告中就已先後變身6次，包括變成外國男人、小妹妹及老人家。

《Beauty Inside》預告連結： https://bit.ly/2Px3EQ0

精選韓流，喺晒《娛果》
http://fb.com/appledailyent