當年今日
關於我們
蘇志威開唱片舖蝕百萬
蘋果日報 2013/01/15 06:00
蘇志威曾開唱片店,但損手收場。
唔講唔知,原來蘇志威被人叫蘇老闆個名,係由佢創業開唱片舖損手過百萬而嚟。今日佢去旺角,同年輕人分享創業心得,佢話:「20年前開唱片舖,點知兩年間損手過百萬離場,不過我找清所有數,輸錢唔輸名,跟住大家就叫我蘇老闆。」
至於有報道話,蘇志威經理人林珊珊帶埋佢哋過檔林建岳旗下嘅寰亞,佢就話珊珊照顧得佢哋好好,唔會理邊個係幕後老闆,若果加盟大公司配套多咗自然好,一切等佢哋公布。