港府正研究推出「禁酒令」，停止全港領有酒牌的酒吧及食肆供應及出售酒精類飲品。中環Soho區日本手工啤酒店「SAKU-NO-KI」老闆Ester認為，政府「一刀切」將問題歸咎於酒精，對於他們來說並不公平，「咁不如直接宵禁，出去就算戴晒口罩都會有交流」，又指一開始並不是酒吧先出事，反問「打邊爐出事先你又唔禁？」

她又認為，政府推出「禁酒令」沒有問題，但同時卻沒有推出措施協助商戶渡過難關，「你（林鄭）提出都冇提出過」。Ester續指，如根據政府邏輯，所有交通工具都應該要停運，「巴士、地鐵都會出事，咁係咪要停？的士都係密閉空間都會出事，喺屋企同屋企人都有機會有事，咁係咪全部人每人一間房呢？」

「SAKU-NO-KI」專營日本手工啤酒，Ester表示酒的保質期是有限，如「禁酒令」持續一段長時間，坦言「好可能所有酒要倒」。被問到是否已作最壞打算，她無奈指：「可能都係結業，因為捱唔住，冇可能捱得住……約就簽咗，業主畀唔畀走又係另一件事。」

今天弄得如斯田地，Ester認為問題出自政府，「當初如果佢封晒關已經冇事啦，點解你而家突然話係啲餐館有問題呢？明明就係你冇將源頭（約）束好，之後要我哋suffer所有問題，合理咩？」

推銷員批應禁唔禁

任職12年俗稱「啤酒妹」的啤酒推銷員的李小姐怒斥，急推禁酒令「九唔搭八」，「應禁你唔禁，唔應禁你走去搞，宵禁囉？你派返錢我咪順氣。」她指賣酒有佣金分賬，每日要賣逾百支，另亦因酒吧有酒賣她才有工開，每日賺9小時的時薪，月入平均可達23,000元，逾半交租，剩下要養育愛貓，「我唔使食屋企寵物都要食，唔使交租我瞓街啊？」。

李又提到禁酒令一出業界牽連甚廣，包括供應商、運輸人員以至酒吧業界前線從業員，但若超市繼續可賣，大眾同樣可以飲酒，不明其中邏輯，批評特首「唔飲酒就無肺炎？做足安全措施其實無問題」。她遂提到因啤酒推銷員的僱主是啤酒供應商，而當無酒賣，供應商亦已致電確認將取消推銷員一職位，「封關你唔封，我呢啲小市民只可以跟隨特首啫，惟有怨言囉，（急推）你叫人點轉型、點搵得切工」。

酒吧引述警方：禁酒令周三實施

此外，在旺角經營酒吧的黃先生直言，疫症全球肆虐，見歐美國家開始有酒吧停業，早預料到香港政府亦會出此下策，「都無辦法，始終生命比一切重要」，直言禁令開始惟有一直停業，直至可重新賣酒惟止。黃又指警方日前已向該酒吧透露將於25日（周三）起實施禁令，他認為當局刻意用禁酒而非要求停業，是避免要負上賠償租金等責任，但酒吧無酒賣而單靠其他餐飲，將沒法吸引顧客。他指不會「走法律罅」偷賣酒，因將會繼續引來顧客聚飲，與當居呼籲避免外出就事與願違，他又稱已讓員工作做好預備。

太子酒吧Metal Bar負責人Peter認為，當局要成功推行禁酒令難度極高，「一係宵禁、宵埋日頭，唔係你邊度再搵咁多人力物力嚟睇大家有無遵守」，他又指當局推行禁令，旨在要人避免社交聚會，但對大部份酒吧來說，即使無酒賣，「咁賣笑賣綠茶可樂、掟鏢、唱K，甚至搞party room，禁酒對防疫有乜關係？人流一樣多，但你民望唔會咁而升，你認為市民會好滿足、好欣慰咩？」。他承諾絕不關舖，直指員工要上班賺錢糊口。

而林鄭針對食肆酒吧禁酒，無表示要禁超市或酒類買賣，他指，若要避免曾有確診個案如蘭桂坊事件再發生，反問打邊爐、酒樓都有確診個案是否都應全面禁止。對於是否認同林鄭所說的酒後亂性，他笑言「其實呢啲好個人」，但表明過往完全不擔心。

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架