當然大家可能會質疑，「米家雷射投影電視」賣得咁平規格同質素又得唔得先？首先產品在光源技術及成像技術方面，分別同國內龍頭光峰光電以及德州儀器兩間廠商合作，質素方面有一定保證，如應用德州儀器的新ALPD 3.0雷射光源技術，能營造出5,000流明亮度、3,000:1對比度以及顯示出85% NTSC色域，而雷射光源壽命達到25,000小時，以每日睇2小時電視計算，足可睇到34年。另外在採用超短投技術下，只需15至50cm距離即可投放出80至150吋畫面，只需用有限空間就能享受到大畫面的震撼，擺位靈活程度媲美平面電視。雷射投影電視會用上跟之前小米電視相同的MIUI TV系統（Android系統），投影機都設有各一對高音及低音單元，另亦接擴音機或家庭影院。「米家雷射投影電視」睇落真係幾吸引，不過最大問題係產品好有機會同之前小米電視一樣只限內銷，其他地方買唔到，幾平都無用。

資料來源：小米
記者：布偉倫

2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily