【同枱不相見】為咗一個男人 嘉玲關之琳形同陌路
劉嘉玲關之琳領袖選舉頒獎禮及晚宴
今晚劉嘉玲同關之琳到灣仔「2016傑出領袖選舉頒獎禮及晚宴」今晚喺灣仔君悅酒店舉行,話明世紀同場,自然成為全場焦點。
上次嘉玲同之之同場,係去飲毛玉萍娶新抱嗰餐,當時兩人係背對背,今次係二人同一張枱,張枱大到一個點,一個坐最左一個坐最右,各據一方。
之前話嘉玲「我唔會尷尬呀!我諗佢應該會尷尬啲。」嘅關之琳,同嘉玲完全冇交流。有時關之琳同向太有傾偈,而另一邊嘅嘉玲就顧住同身邊賓客吹水、食嘢,之之口中嘅「順其自然」,原來係咁嘅意思。
一直到臨尾散前,關之琳同諸葛等合照,嘉玲企喺附近,呢個已經係兩人最近嘅距離了。
晚宴約喺9點半結束,關之琳喺9點38分先走,劉嘉玲就約喺1分鐘步出,兩人前後腳離開。
《蘋果》第十二屆金話梅電影選舉(Golden Plum)又嚟喇!由今日起,請在以下網址( http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。