【內容更新】
日本著名女星松田聖子嘅30歲囡囡神田沙也加，噚日宣佈嫁39歲男演員村田充，二人閃婚獲不少圈中人送上祝福，沙也加更公開丈夫、父親神田正輝三人手蹺手合照。唔知係咪冇預阿媽，已同神田正輝離婚20年嘅松田聖子至今都拒絕向外發表任何意見，而佢所屬嘅唱片公司更話未能跟聖子方面取得聯絡。

沙也加同村田充噚晚拍拖現身，二人十指緊扣去睇舞台劇，面對傳媒鏡頭亦十分識做，多謝傳媒恭賀後，準新郎村田充被問到目前心情時就回答：「好正！」沙也加則全程甜笑。

據知沙也加正忙於籌備5月13日舉行嘅婚禮，相信屆時會註冊成為夫婦。55歲嘅松田聖子對自己榮升外母似乎未見受落，原來愛女沙也加戀上村田充之後開始想脫離聖子，沙也加下月開始更會同聖子開設嘅事務所結束關係，而母女多年來都被爆關係麻麻，沙也加於04年更一度離家出走，又棄用母親為佢起嘅英文名SAYAKA發展，難怪聖子嘅母女關係又再惡化。

春風滿面嘅沙也加，今日已從東京抵達大阪為主演舞台劇準備演出，佢面對傳媒展示左手上嘅金色婚戒，當被問到阿媽聖子時，沙也加即雙手合十，急急離去返入後台，令母女決裂說法更加似層層。

難得生性暴龍哥創科眾籌夢，遭隱世肥報販秒殺！ https://goo.gl/hnEB7D

「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw