韓國年度盛事《MBC演藝大賞》昨晚在首爾舉行，由全炫茂、女團MAMAMOO成員華莎、男團Block B成員P.O擔任主持人。

34歲女星朴娜萊憑《我獨自生活》、《幫我找房子》等綜藝節目，撼贏「國民MC」劉在錫、全炫茂等人，獲得最高殊榮的大獎，當她得知自己得獎一刻，立即爆喊。據悉今次是朴娜萊入圍三年來，首次獲得大獎，她發表感言時表示：「老實說，我有諗過呢個獎可能唔係我拎，但我真係好想攞呢個獎，因為我都係人。」引起爆笑。

朴娜萊續指：「相比起李英子、劉在錫、全炫茂、金聖柱等前輩，我真係一個非常不足嘅人，我有諗過，如果我喺大獎候補嘅位置上，係咪都能夠大方地向其他對手講鼓勵嘅說話？由呢點上嚟講，我真係有好多不足，真係非常感謝大家。我身高只有148cm，今日站在台上睇，係我第一次見到大家嘅頭頂。我從來冇諗過自己會站在高處，亦冇諗過要企喺邊個上面，就算平時仰望大家，我都感到好幸福。作為一個綜藝人，我嘅一舉一動都會影響到人，我會一直努力送給大家善意嘅笑容，會非常非常努力、絕不傲慢、一直以低姿態做自己，謝謝大家。」

而人氣節目《我獨自生活》就成為當晚的大贏家，分別獲得觀眾票選年度藝能節目、綜藝部門男子優秀獎（成勛）、綜藝部門女子優秀獎（華莎）、最佳情侶獎（Henry、旗安84）、最佳Teamwork獎等合共8個獎項。

-----------------------------
蝙蝠俠誕生80周年
點擊即睇85頁經典大回顧
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇