白髮蒼蒼的黃婆婆把其生活的苦況向記者訴說：「我哋喺幾年前調遷上樓，呢度嘅床、衣櫃、飯枱同埋電視機，全部都係喺垃圾房度執番嚟，而雪櫃就係人哋送，試過幾次想搵部洗衣機返屋企用，但始終都冇。」
她與七十五歲的陳伯育有七名兒女，兒女在內地居住，均已成家立室各有負擔。陳伯曾在紙皮廠任職工人及大廈看更多年，而她則在百貨公司從事清潔工作，助減輕生活開支。九六年夫婦先後退休，近年已耗盡僅餘的積蓄，現靠領取綜援金過活，經濟緊絀。
黃婆婆長年手洗衫
「喺香港咁多年，我哋都冇用過洗衣機，啲衫大部份都係老婆洗，而我就負責晾衫，不過呢幾年佢身體愈嚟愈差，𠵱家佢蹲低洗衫就好易頭暈，對手又冇乜力，見佢每次洗幾件衫都要個幾鐘頭，成日好想買部二手洗衣機，但係每個月開支都係繃繃緊，就算儲錢起碼都要等幾個月。」陳伯無奈地慨歎道。
為了幫助有需要的獨居長者改善生活，讓他們感受到社會人士的關懷，蘋果日報慈善基金與聖雅各福群會於去年十二月底開展「電器贈長者」計劃，安排轉贈基本家庭電器包括：電視機、雪櫃、洗衣機、電飯煲、電熱水器及收音機等，迄今已有逾三百多位貧困長者受惠。