有「廉署剋星」之稱的大律師艾勤賢（Kevin Egan）昨晚病逝，終年70歲。廉署中人稱徐家傑與艾勤賢、林炳昌為「天、地、人」，其中之一的前廉署執行處副處長徐家傑接受《蘋果》訪問時表示，今早朋友從傳媒得悉艾勤賢死訊，再轉告他。對昔日戰友艾勤賢不幸過身感到可惜，他稱讚艾勤賢是一位出色律師，「佢係一位戰績好好，好叻嘅大律師，多年前喺政府律政司時已好出色，主審過好多大案，離職後私人執業亦做得好出色，佢係一位好好嘅律師，可惜囉。」

徐稱，由於其與艾勤賢在不同界別發展，自先科國際案後，近年已很少聯繫。被問及昔日被指為「天、地、人三魔」，是廉署剋星，徐家傑指是傳媒嘩眾取寵的跨張報道，「係傳媒亂作，邊有啲咁嘅嘢，我哋只係正義感，覺得唔啱就出聲，打仗咪打咯，以公義心去做，大家有眼睇到，但呢啲過咗去就算，講都無意思。」

與艾勤賢私交甚篤的律師林炳昌接受《蘋果》訪問時證實，對方9個月前確診食道癌，經手術及電療和化療後，病情一度好轉，但近期復發，入院接受手術後返家休養，但昨晚在家暈倒，送往瑪麗醫院後證實不治，「我當然好sad，佢係一個好盡責好能幹嘅律師。」