韓國人氣男團GOT7嘅香港成員Jackson（王嘉爾），曾經係亞洲青少年劍擊錦標賽冠軍，係亞洲排名第一位。今年中Jackson成立工作室並喺大陸以個人歌手身份出道。

前日Jackson飛抵倫敦，出席當地時間11月12號舉行嘅《2017年MTV EMA音樂頒獎典禮》，佢仲以「MTV EMA大中華區官方大使」身份參與活動，同場仲有英國型男唱作人Liam Payne、英國女歌手Rita Ora等。

今次係Jackson第一次到倫敦，佢心情特別興奮，佢仲拍片講感受：「第一次到倫敦好開心，我做藝人之前係劍擊運動員，當時為倫敦奧運訓練、做準備，但結果以歌手身份嚟到倫敦。今日出席活動同行紅地鳥，遇到好多世界級歌手同運動員，睇到佢哋演出，學到好多舞台演出、台風、態度，係美好嘅回憶。接下來我會繼續跟團隊，以及個人身份，努力做好音樂，多謝大家支持！」

更多韓流，喺晒《娛果》
http://fb.com/appledailyent