【本報訊】旺角奶路臣街三家魚檔被揭發偷取大廈沖廁用鹹水飼養海鮮，危害市民健康之餘，亦令有關住戶的沖廁鹹水供應大受影響。不過，問題存在十多年仍未解決，食物環境衞生署和水務署互相卸責，直至事件曝光後，水務署昨日才宣布檢控三間用鹹水作非沖廁用途的海鮮檔。
受影響的大廈是旺角奶路臣街源發及順景兩幢大廈的住戶，其中民建聯旺角區幹事歐陽儉文的辦事處就在源發大廈一樓，他說：「呢度用廁所水養魚並非今時今日嘅問題，聽啲老街坊講，樓下魚檔扯鹹水扯到樓上冇水用十幾年啦。我哋呢度每個魚檔都有條喉，仲加裝強力水泵，駁喉落天台水池度，將啲沖廁所用嘅鹹水直接攞嚟養魚。」

扯乾鹹水住戶冇水用

他說：「我哋大廈試過天台成個水箱畀佢哋（魚檔）扯乾晒，住戶個幾兩個星期冇水沖廁。十幾年嚟每逢情況嚴重，住戶就向食環署同水務署投訴，煩得咁上下，佢哋嗰邊又煩番啲魚檔，魚檔就收斂一兩個禮拜，然後又變本加厲。」　
本港傳染病科醫生勞永樂表示，沖廁所鹹水從海面泵出，含有最多的是弧菌，包括霍亂弧菌及副溶血性弧菌，可致急性腹瀉。
水務署發言人表示，署方8月初接獲通知指有海鮮檔涉嫌用沖廁鹹水養魚後，巡查了旺角奶路臣街、南頭路及塘尾道共24家商舖，並根據《水務設施條例》第29條，於上月28日以將政府供水用作非水務用途為由，檢控其中三家海鮮檔。食環署發言人稱，該署人員於八月份接獲居民投訴後，曾採取兩次行動，但沒有發現有關處所用沖廁水養活海魚情況。