當年今日
關於我們
隔牆有耳:兩個大狀放生電 - 李八方
蘋果日報 2009/03/29 00:00
公民黨余若薇同陳淑莊,噚日喺首個聯合辦事處開張時表演放電,不過唔靠一雙電眼,而係靠雙腳踩單車同跑步機人力發電,啟動亮燈儀式。多個到場嘅局長同副局都有打氣,加埋現場200幾個街坊,場面好熱鬧。
余若薇事後話,其實最有需要人肉發電做運動應該係黨友湯家驊,提議同陳淑莊夾份送部跑步機畀佢減肚腩。下星期立法會討論處理污泥問題,環境局局長邱騰華到場後不忘拉票,大讚公民黨一直係政府推動環保嘅重要工作夥伴,期待陳淑莊下個立法年度都加入立法會環境事務委員會,一齊推動環保。