32F台灣童顏巨乳瑤瑤郭書瑤上年宣傳新碟時,男友劉建忠因為跟出跟入做柴可夫而俾人踢爆戀情,後來佢哋仲俾人見到喺快餐店熱吻。點知瑤瑤轉唱片公司後,有人話瑤瑤新公司唔鍾意佢拍拖,專登派人接送佢出入,盡量唔畀機會瑤瑤同男友接觸,加上佢成日飛外地工作,同男友聚少離多,於是近日傳出佢哋農曆年前已分手,仲話瑤瑤因為咁成日悶悶不樂㖭!
噚日瑤瑤喺台北出席活動同fans玩愛的抱抱遊戲,被問到有冇唔捨得呢段感情,佢淡淡然咁話:「我不是那種非要不可的女生,因為我才19歲。」為事業捨愛情係咪值得呢?瑤瑤話:「把握工作機會比較重要。」