李治廷09年簽約黎明旗下嘅百仕活經理人公司後，喺呢間公司6年，今年2月正式約滿走人啦！原本李治廷初出道時發展都幾好，但簽咗俾黎明公司後，發展真係平平，呢間公司作風太低調保守，喺呢個年代，做法好似有啲不合時宜，佢啲藝人走下一個又一個，真係要諗下因乜解究喇!

依家終於到李治廷約滿鬆人，聽聞佢會改簽內地一間經理人公司，喺未來嘅日子佢主力會喺內地發展，搵一個內地經理人都好正常，聽聞華誼同海潤兩公司都對佢感興趣，條件都開得唔錯，都話會俾機會佢拍電影，往後日子李治廷想多拍戲，所以搵經理人公司都會考慮有戲拍嘅公司。

今日本報向李治廷求証，佢發言人話：「一切等佢拍完戲返香港先可以進一步透露詳情。」