喺噚晚播出嘅《黃金漁場：RadioStar》「現在是戀受時代」特輯中，少女時代係今集嘅嘉賓。

重頭戲當然集中喺拍緊拖嘅允兒同秀英度啦﹗成員Jessica就表示：「其實呢件事大家一早就知道，戀愛係值得開心嘅事，應該要祝賀佢哋。」

主持人SuperJunior圭賢就爆料，原來Jessica事前搵過節目嘅編劇，希望佢哋唔好再刻意講佢同2PM澤演之間嘅緋聞，佢哋只係好朋友咁喎。

Yuri就爆Sunny好鍾意咬人，講講下就講起SJ嘅圭賢，Yuri話：「圭賢好有魅力，佢作為練習生嗰陣冇咁明顯，仲以為佢係員工！」Yuri你真係鬼馬。

Tiffany就自爆自己係成員當中最重，由於自己好鍾意粉紅色，所以被其他成員叫做「粉紅豬」。

雖然佢係成員中最重，但其實只係得48kg，講真真係唔係肥，實在唔敢想像其他成員嘅磅數啦！