公民黨最近俾Banner五毛黨纏身，八方噚日寫過，東涌有Banner五毛喺公民黨Banner旁掛上一幅「踢走壞公民」嘅Banner。不過若要人不知，就唔好太低B，呢個五毛手腳似乎唔係咁利落，輕易被人識穿。
有人發現「踢走壞公民」Banner背後，有印刷公司印單編碼，編碼係Job218183，咁啱呢，地區人士林悅最新出街嘅個人宣傳橫額，背後個印單編碼又係Job218183。一模一樣，有理由相信係同一張單印製。林悅否認係針對公民黨嘅五毛，強調自己唔會做啲咁無聊嘅嘢，唔知點解個編碼咁巧合一樣。公民黨今日或會報警，八方希望警察查個清楚囉。