68歲荷李活男星李察基爾(Richard Gere)同細自己33年嘅西班牙女友Alejandra Silva三年前開展父女戀,今年4月正式結婚。最近李察基爾就於訪問中,表示自己呢位第3任老婆同自己非常夾,更話自己係「全世界最開心嘅男人」,佢話:「我點會唔係?我娶咗個又靚、又聰明、敏感、樂於助人、有趣、有耐性、大量識得原諒人、煮嘢食叻嘅人,仲識整全世界最好味嘅沙律!」不過李察基爾本身都好浪漫,Alejandra表示對方追佢時,不斷送花俾佢,直到佢肯同李察約會,直到而家,李察仲會間唔中寫歌俾佢添。對比起李察兩位前妻,超模仙蒂歌羅馥(Cindy Crawford)及女星Carey Lowell,似乎而家呢位先係最愛。