羅霖非常愛錫一歲大的愛犬棉花糖，她早前更獲贊助帶愛犬坐私人飛機去大阪旅行，她笑言「人不如狗」。羅霖在棉花糖半歲時，便帶牠去接受訓練：「人要有規矩，狗都要有，唔想出到嚟好似失控咁，日後想佢做狗醫生，佢性格啱，可以做到，人望高處，狗都要。」

「兩母女」早前首次坐私人飛機出遊大阪，羅霖說：「第一次搭飛機，我好擔心佢。」羅霖與愛犬遊日七天：「去咗大阪、神戶、奈良，佢去到奈良，見到啲鹿唔驚。喺飛機有12隻狗，好大隻，有西摩犬，佢仲行埋去玩，去到奈良好多遊客同佢影相，有啲舖頭原本唔畀帶狗，但老闆娘好鍾意佢，又畀佢入去濕平，帶住佢去日本好多地方都去到。」

感恩半百有嘢做

羅霖昨日在灣仔出席活動，對於有網民指她帶愛犬坐私人飛機是扮窮，她回應說：「其實我係唔使錢搭私人飛機，佢哋話我年紀大唔好出嚟獻世，希望大家唔好歧視，只要靠自己雙手做嘢搵錢，我都好欣賞，我感恩自己半百歲都有嘢做。」羅霖透露並沒為此事感到不快：「佢哋唔清楚先誤解，話我出嚟身光頸靚，背後有人支持，如果我着得寒酸，你哋都唔鍾意睇啦，我好好彩，有好多sponsor，做藝人搵錢唔容易㗎。」
採訪：盧妹