【引渡惡法】市民斥「克警」濫用武力 口罩寫「我好合作唔好打我」
蘋果日報 2019/06/16 17:02
逃犯條例濫暴民陣反送中克警自由hi引渡惡法濫權
【新增動新聞】
香港警察濫權、濫暴、濫捕，對着學生血腥清場的畫面，過去一周已成國際焦點。本港老、中、青今參與遊行時以不同方式表達憤慨。一群中五學生戴上工業用眼罩、口罩參與遊行，口罩上寫上「我好合作唔好打我」、「你知道我很和平」。代表同學指，在新聞片段看到警方使用不必要武力，「示威者已經喺地下，俾你撳低咗，仲要對佢拳打腳踢，我覺得唔需要去到咁，150粒催淚彈更加冇必要。」
香港警察濫權、濫暴、濫捕，對着學生血腥清場的畫面，過去一周已成國際焦點。本港老、中、青今參與遊行時以不同方式表達憤慨。一群中五學生戴上工業用眼罩、口罩參與遊行，口罩上寫上「我好合作唔好打我」、「你知道我很和平」。代表同學指，在新聞片段看到警方使用不必要武力，「示威者已經喺地下，俾你撳低咗，仲要對佢拳打腳踢，我覺得唔需要去到咁，150粒催淚彈更加冇必要。」
他戴上眼罩口罩是要向警察表達不滿，「我哋身為學生，我哋知道我哋責任係咩，知道有咩唔做得，我哋都好合作，話走就走，都無做過咩嘢，所以唔好郁啲就打我哋。」同時也希望遊行時可讓記者拍下，「好多屋企老人家一味睇無綫，淨係睇到啲示威者衝擊，希望戴住呢啲嘢一路行可以畀人知（訴求）。」除口罩外，部份同學自製多個白色面具，面具上寫上「自由Hi」等字眼。他指這些是警察向示威者喝罵的說話，「雖然呢啲言語係粗口，戴喺面除咗係諷刺（警察），但我哋覺得配得上呢3個字，我哋有因為自由去爭取過，所以戴喺面都唔會覺得羞恥。」
已為人母的顧女士，上周（6月9日）因事忙未有遊行，但看到周三清場畫面後，對警察濫用暴力深感憤慨，今日亦要站出來。她多次怒斥「依家都唔知邊個係警察，着咗制服有冧把嘅係唔係差人？無冧把嘅係唔係差人？」又指警方自稱生命受威脅，但其實有充足裝備及訓練，「反觀我哋學生，咩嘢都無，佢哋生命又受唔受到威脅？」
顧女士又批評警察動輒將衝突定義為暴動，以她理解，外國暴動最少會看到「燒嘢、搶劫」，但香港根本未曾看到。她坦言執法是正確，但警察同時也是一個人，不是機械人，應清楚甚麼不應該做，「一個女仔瞓咗喺地下，你攞個盾牌鋤落去？我真係唔識分咩係危險。」她指，現時在街上看到警察會感到害怕，「到依家都冇人話我聽個啲黑衫黑褲嗰啲係咩人，唔該警務處長話我聽。」
科大生：是否過份武力市民電視睇到
科大學生廖先生聯同其他同學，自發在天后向市民派發退熱貼等物資。他指上周不少科大學生也有到金鐘和平示威，但警方突然衝入海富中心清場，不少學生被毆打，「是否過份武力，相信市民睇電視畫面都睇到。」他批評警方在沒有任何警告情況下便發射催淚彈及布袋彈，做法不可接受。他希望警察行動時亦衡量是否必要，「係唔係收order都好，你揮警棍時都要諗下」，指大學學生會主要是服務學生，政府、警察亦一樣，主要應是服務市民。」
本身是專生的盧同學和張同學在6.12當日上午10時到達金鐘夏愨道，當時已有大批示威者在場。盧指，本來欲到前線，「但實在太危險，啲差人對我哋太暴力」，最終2人決定在旁支援。他們現場一直感受到催淚彈散發的煙霧，但仍然選擇硬食，沒有想過離開，「政府雖然咁強硬，但我哋唔可以輸畀佢，留得幾耐得幾耐。」
盧同學指，一直目擊警員如何對待示威者，感到十分反感；而即使林鄭聲稱暫緩修例，「佢把口係唔可信，都係暫緩，唔係取消」，所以今次決定再參加遊行，向政府表達訴求，「點都要強硬多次畀佢睇」。他又指，市民「衝完」之後，當局也只是暫緩修例，所以不排除要更激烈行動，才能爭取公義。
張同學在6.12亦有送物資上前線，都有食到催淚彈，亦覺得很難受，「前面啲人都好勇咁，點解可以咁勇出去，因為真係好痛」。她坦言，在現場時有點擔心，「差佬唔知會拎啲咩出嚟，又唔知會做啲咩，但現場氣氛令我好想幫手。」張認為，應重新檢視警權，「睇番片都見到佢哋，開槍、發射催淚彈都無預警……話適當武力，好唔適當囉。」張又指，父母本身都支持政府，所以多日來她都沒有告之自己也在現場。但隨著事態發展，她意識到父母都開始反思。
在維園天后入口，有長者向警察高舉中指，批評他們上周向市民「開槍」，在場警員未有理會，亦有人鬧：「你唔好笑呀，無恥下流賤格。」也有不少遊行人士向在警車及旅遊巴內休息的警察大叫「停車熄匙」。
民陣6.16反惡法遊行
日期：6月16日（日）
集合地點：維園
時間：下午2時30分集合、3時正起步
遊行路線：維園至金鐘添美道立法會
（資料來源：民陣）
集合地點：維園
時間：下午2時30分集合、3時正起步
遊行路線：維園至金鐘添美道立法會
（資料來源：民陣）
-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多
李家皓攝
李家皓攝
董立華攝
王子俊攝
王子俊攝
翁志偉攝
好鄰舍北區教會堂主任陳先生今日組織一批教友和街坊前來示威，他稱今日安排了13輛60座的旅遊巴接送街坊來遊行，全部坐爆，顯示民情洶湧。一眾教友舉起一塊橫額，寫着「警察射頭冇人性，講大話主作見證」。陳先生指，非常不滿警方在612當天使用過度武力，違反警察守則，要求盧偉聰下台，「佢哋捉住啲手無寸鐵嘅示威者嚟摳，講得俗啲，呢啲係有牌爛仔嘅行為，我哋予以譴責」。他形容警察開槍射頭是想「攞人命」，反問究竟誰才是真正暴徒，「邊個揸住槍，邊個就係暴徒！」李家皓攝
李先生（右）及鄭先生（左）戴上頭盔及口罩遊行。李指，想表達自己雖是和平示威卻擔心安全，「原因係驚畀警察打」。他6.12自己在海富中心現場，純粹叫口號示威，「唔知前面發生咩事，突然就好多催淚彈擲過嚟」。他希望警察憑良心做事，「用幾多武力，瞄準時瞄啲咩嘢，你可以選擇……作為一個人，唔係上頭畀咩order你就要做，而作為是執法人員，應好好控制情緒」。
鄭先生指，最觸動的一幕是看到一個手無寸鐵的年輕人，「無做任何嘢、企係度好和平示威，但就畀警察當暴徒咁打……最唔克制就係警察，好無血性」。他形象現時對警察的印象好差，懷疑裡面係唔係真係香港人，手無寸鐵嘅香港人都打，好唔合理。」梁御和攝
施同學於612當日凌晨5時與同學一同參加集會，「都食咗幾個催淚彈……都噴到啲胡椒，雖然包咗保鮮紙，但點都有啲。」他當時都目睹不少衝突場面，坦言都曾經擔心，「但聽到槍聲同催淚彈聲，就會覺得更憤怒，士氣反而更高漲；大家退少少，就一鼓作氣衝上前。」直到下午5時多，警方不斷發射催淚彈，他和同學感到現場環境危險，最終決定離開。他指，會視乎星期一集會，再決定下一步如何，「如果警方強行清場，我都會繼續到前線出一分力。」羅繼盛攝
陳善南攝