棉花價格呢期插水，紡織股有得諗，埋位炒華豐（364）。紐約期貨棉價由今年2月近60美仙1磅，跌到落呢期50美仙，短短兩個月，足足撻咗15%，連帶祖國鄭州棉同期亦跌近一成。棉價下跌，華豐呢類有經營紡紗嘅企業，成本得到紓緩，最直接受惠，短線亦提供一個絕佳炒賣理由。
再講，華豐05年度（9月止），喺原料成本高企咁惡劣環境下，純利唔單止冇倒退，仲微升3%到6900萬銀，難能可貴。展望06年度，隨住原料價紓緩（起碼暫時情況係咁），加埋華豐縱橫向拓展定咗型，開始發揮經濟效益，純利係咁意增長10%到7590萬銀，預期PE得4.3倍，華豐繼續係最低PE紡織股之一，好抵買！華豐追落後，博見NAV0.6元，到時，預期PE仲低企6.8倍，但現價潛在回報率46%，抵博冇？

東方有色（230）獲阿媽五礦集團注資，一直只係得個「傳」字。但要咁睇，港股火紅火綠，祖國房地產又熱火朝天，若然搞注資，應該好受落。再講，母系五礦喺祖國經營房地產嗰瓣，總值高達20億銀人仔，直接管理嘅物業面積達344萬平方呎，晒士唔嘢少，東方有色仍然極具注資概念。
Beforethat，東方有色呢期主打祖國房地產，初步成形，當係內地地產股咁炒，睇齊NAV0.78元，現價潛在回報率47%。