朗尼投訴高蓮成日去旅行，所以搞到佢心癢癢，咁到底呢位大肚婆係咪真係成日抌低老公，自己走去嘆世界呢？

英國《太陽報》就列出高蓮喺2017年嘅行程，雖然今年仲有三個月先完，但原來月巴太太已經去咗八次旅行，即係平均每個月都會去一次；我哋咁睇就以為每個月一次，其實全部行程都係累積喺呢三、四個月，年初反而冇。

高蓮今年去過嘅地方包括阿姆斯特丹、馬德里、巴巴多斯群島、希臘米克諾斯島、科莫湖、伊維薩、葡萄牙同埋馬略卡島，當中只有少數係等老公放假時陪埋一齊去，多數都係單獨上路，就好似今次去嘅馬略卡島，幾乎由八月中至九月頭都喺嗰邊度假。

當然，朗尼以老婆成日外出，作為出外偷食嘅擋箭牌，完全係強詞奪理，但係高蓮既知老公咁易受引誘，以後就真係要睇實啲，減少佢出軌機會。