眾所周知，吳尊係一個高大有錢又顧家嘅靚仔。但係大家又知唔知，佢仲係一個有特別的睡前情調嘅靚仔呢？

吳尊早前接受雜誌訪問，話自己特別注重瞓前情緒。即係瞓覺之前，同老婆心情都要keep住靚，絕對唔可以帶住負面情緒入睡，話呢啲係佢同太太嘅默契喎。

佢仲話雖然自己唔係咩浪漫嘅人，但係都會間中製造驚喜哄老婆。自從做咗爸爸之後，仲變得咩都唔驚，就算戶口得返一千蚊，只要有愛，咩都捱得過。仲話現年三歲嘅囡囡係上天俾佢最甜蜜嘅負擔，o依家好享受「七三分界」嘅快樂法則，即係70%時間留俾屋企人，30%時間衝刺事業呀。嘩！聽落真係好滾動囉。