【囡囡極速出生】林子善停工陪老婆坐月湊女 讚嘆母愛偉大
蘋果日報 2019/12/29 18:16
林子善
（左圖攝影：陳慧安）
林子善老婆董佩欣（Kary）今日凌晨在東區醫院順產誕下B女，榮升做爸爸的子善在囡囡誔生後於社交網透露，老婆只用50分鐘便完成整個分娩過程。今日下午2時半，子善拿着BB用的棉花，去到醫院私家病房探望太太及B女，他透露B女重6.292磅，鼻似太太，樣似自己，但B女的名字會等師傅改，暫時叫做「小乖乖」。
子善表示，太太昨晚10時半入院，入到產房花50分鐘就完成生產過程，他說：「因為怕痛，老婆本身計劃開刀，醫生話老婆曾經試過切大腸，唔想佢受多一刀，希望佢試吓順產，太太冇用麻醉藥、冇無痛分娩，淨係吸笑氣，用咗25分鐘就生咗。」子善表示在老婆面前感動得忍着淚，護士吩咐她到隔籬床等候5分鐘期間，哭至整個口罩濕透：「當時我覺得好無助，幫唔到手，大家要對媽咪好啲，母愛真係好偉大。」
原先想自己剪臍帶的子善表示，估不到助產士好快手就剪了。B女出世後躺在床哭，子善說：「我叫佢唔好喊，可能佢喺個肚度認得我把聲，就即刻唔喊。暫時冇抱過佢，因為怕感染細菌畀佢，太太好精神，因為冇做麻醉。」
子善表示太太選擇餵母乳，他指因為產後太太坐月養好身體要緊，所以他除了請陪月幫手照顧，自己亦停工，他說：「錢可以之後搵，照顧太太先，太太當然想我搵多啲奶粉錢，但我想照顧好佢嘅情緒先，屋企有三大高手，外母、姐姐、陪月，我係地位最低，保安、管理員。」
採訪：張明
攝影：陳慧安
攝影：陳慧安
子善透露請了陪月照顧太太，自己亦會停工幫忙照料。
子善稱自己在家中的地位最低，負責做保安和管理員。