已公佈賽果嘅日本「第31屆日刊Sports映畫大賞」，今日於東京舉行頒獎禮，擁七項提名嘅是枝裕和得獎作《小偷家族》獲得最佳電影、安藤櫻獲得最佳女主角、已故老牌女星樹木希林獲最佳女配角，共三個獎項。

樹木希林嘅獎項由孫仔內田雅樂（UTA）代領，影后安藤櫻亦未能親身領獎，由戲中童星佐佐木光結代為領獎。松坂桃李憑《娼年》、《不能犯》獲最佳男主角，佢領獎就憶起於六年前憑與樹木希林合作電影《使者》喺呢個頒獎禮獲新人獎嘅情況，當時獲得約100萬日圓（約7萬港元）獎金，松坂桃李話樹木希林大讚佢咁年輕就有獎，又追問佢獎金幾多，松坂桃李指當時前輩嘅表情令佢難以忘記。

欅坂46成員平手友梨奈與岩田剛典同獲最佳新人獎，係平手宣佈因傷停止舞台活動後，首度現身公開場合。

精選娛聞，喺晒《娛果》
http://fb.com/appledailyent