韓國三大電視KBS、SBS同MBC今晚都有頒獎禮及盛事舉行，當中分別有《KBS演技大賞》、《SBS演技大賞》及《MBC歌謠大祭典》。

而《KBS演技大賞》頒獎禮於今日香港時間晚上8時15分舉行，不過下午5時許已開始進行紅地毯儀式，噚日T-ara前成員花英嘅孖生家姐孝英喺《MBC演技大賞》上就拋胸露腿大搶風頭，到今日就輪到花英現身《KBS演技大賞》紅地毯，花英同家姐一樣同樣晒腿示人，不過佢上身就好密實，唔似家姐一樣拋胸示人。

至於《KBS演技大賞》紅毯都獲唔少藝人撐場，好似高庚杓、孔明、孔升妍、安宰弘、李一花、庭沼珉、朴施厚、申惠善、金所炫、尹斗俊等，當中唔少女星都以白色及米白色晚裝示人，好似金智媛、張娜拉、申惠善等人，反而《魔女的法庭》嘅鄭麗媛就以一襲黑色低胸裙現身紅地毯，不過佢上圍就唔多豐滿，搞到好似谷胸都冇乜睇頭。

而憑人氣劇《三流之路》入圍最佳情侶獎嘅朴敘俊及金智媛，佢哋就冇一齊行紅地毯，令粉絲好失望。至於有「童顏美女」稱號嘅張娜拉雖然已經36歲，但佢着上白色服裝就感覺好年輕，睇起嚟同25歲嘅金智媛年紀都唔係差好多。而《推理的女王》嘅40歲崔江姬似乎發福不少，見佢身形比以前大隻，走樣不少。

更多韓流，喺晒《娛果》 http://fb.com/appledailyent

【minigame】2017瘋暈人物 返工打機唔使擇日 http://bit.ly/2CeWQkP