【新增內容】

45歲日本女星篠原涼子最近傳出婚變消息，有報道指佢同69歲丈夫市村正親打算離婚，雙方已搵律師傾兩名兒子撫養權。據《女性自身》報道，篠原涼子於上星期一度過其45歲生日，點知當晚未見老公陪同慶祝，只見佢親自湊囝囝見好友，原來市村正親當天正為舞台劇到名古屋演出，令離婚傳聞更增可信性。不過，篠原涼子嘅事務所就回應指二人感情依舊要好，代為否認兩夫妻正辦離婚。

篠原涼子疑婚姻觸礁後，昨日現身「日版陽光姊妹淘」新片《SUNNY》嘅宣傳活動，同青春女星廣瀨鈴為電影舉行女性觀眾限定試映場，而300位入場觀眾更指定要着中學校服，當中不乏媽媽級影迷。

談到今次電影請來小室哲哉引退前擔任音樂監製，曾屬小室家族成員嘅篠原就好感激對方當年一手提攜，今次電影再合作，形容《SUNNY》係屬自己一套很重要嘅作品。

精選娛聞，喺晒《娛果》
http://fb.com/appledailyent