【新劇被網民激讚】李施嬅唔係「親生女」冇信心攞視后
視后李施嬅金宵大廈One One Collective
李施嬅今日在商台宣傳新劇《金宵大廈》,此劇播出後得到網民一致讚賞,有很多人看好施嬅能成為今年視后,但她自覺未夠資格得獎,問到是否覺得因沒續約已不是「親生女」?她笑說:「都係,但有冇獎都開心,啲人成日話我今年唔攞就唔睇TVB,咁多人睇呢套劇,比攞任何獎嘅感覺仲要重。我睇好陳山聰攞(視帝),同埋最希望呢套劇攞到最佳劇集。」她謂就算沒獎也不感可惜,眾人力捧自己成民選視后已係最大禮物,但追捧可會覺得來得太遲?她說:「唔會,留低美好回憶,好過走都冇人記得。」
對於多次被問劇情,李施嬅都不願劇透,只表示即將播出的單元有外號「龍婆」的羅蘭客串,自己看了劇情也感不安,曾擔心劇情能否播出。
另外,由何韻詩撮合樂壇一班音樂人組成的One One Collective,今日其中三位音樂人Kaona、Yeung Tung和李拾壹到商台宣傳新歌《Pink Cloud》和《Losers Dance》。眾人各有長處,除了定期會集合一起寫歌外,間中亦會跟外國音樂人交流,李拾壹謂:「我哋暫時有7個人,都係音樂人,但之後可能有需要同其他人、甚至唔係音樂人合作。」互相交流下讓他們學懂放下,不會堅持自己的習慣來寫歌。
Kaona和Yeung Tung的《Pink Cloud》是一首浪漫情歌,講到在沙漠中找到喜歡的人,但只是霧水情緣。而李拾壹的《Losers Dance》則是數年前作品,找來Yeung Tung做混音,這歌他是用來取笑自己沒進步:「笑自己係廢柴,唔識競爭比賽,自己唔識進步,而且同好多人合作之後,知道原來世界好大,有好多嘢唔識仲要學。」
-----------------------------
【撐學生】
召集有心人 撐學生全年睇《蘋果》
立即按此 -----------------------------
《囚牢之疆》 專頁
揭開集中營邪惡面紗
今日新疆 明日香港
(左起)Yeung Tung、Kaona及李拾壹,今日到商台宣傳新歌。