當年今日

  天文台長雀林高手 - 李八方

蘋果日報 2003/05/25 08:00


八方早前寫天文常識,引述「天文台台長謝明浩」之來函,解釋沙田車公廟上空之日暈現象,點知搞出個笑話,因為謝明浩並非天文台台長,佢係天文專家,正確職銜係「總學術主任」,任職天文台學術組,並代表天文台台長覆信畀傳媒,八方上回就係一時眼大,睇見佢個簽名搞錯咗,後來終於搵到佢,講聲唔好意思,亦在此同各位讀者致歉。
天文台台長其實係林超英先生。林生喺天文台服務已有三十年,兩個月前剛剛正式接替林鴻鋆做台長。林超英除咗係氣象專家,亦係鳥雀專家,非常喜愛睇雀,為香港觀鳥會會長;佢出過好多本雀書,如《香港及華南鳥類》、《大埔滘觀鳥樂》、《飛羽神思》等,係本地觀鳥者天書。天文專家愛觀鳥,又幾合邏輯呢。



傳真︰2623-9278
電郵︰[email protected]