藝人張建聲父親日前因喉癌離世，終年六十歲，張建聲今晚收拾悲痛心情復工，出席於荔園舉行的《猛龍特囧》男神選舉總決賽。

張建聲語帶哀傷表示，爸爸於上星期一離世，他說：「爸爸病發一段時間，前後病發兩年，其間不斷陪佢電療同化療，一家人陪佢出出入入，家人盡咗最大努力，最唔想見到每日陪佢（爸爸）出入時，見佢身體狀況愈來愈差，呢方面令家人﹑同作為仔就最心痛。」

張建聲又謂爸爸「走咗」也是一個解脫：「之前見佢連講嘢都講唔到，要畫落畫板寫嘢，都好心痛，每次都好珍惜睇爹哋寫出嚟嘅字。」問他有否停工？張建聲表示：「已停咗個幾星期，個人情緒好亂，最親嘅人走咗，真係撐唔住。」

他又呼籲大家要多些回家陪家人吃飯，他續說：「往後時間會多啲陪媽咪，就算以後結咗婚，都會同媽咪一齊住，學爹哋話齋，佢都話我大個仔，做人要有腰骨同有承擔。」

加油﹗保重﹗