現年30歲嘅周杰倫入行多年開演唱會、拍戲同接廣告等嘅收入都好可觀，有人粗略估計佢喺近呢6年總收入大約有22億台幣（約5億2千萬港元）。原本係好用好使，但係早前佢喺美國拍《青蜂俠》嘅時候，就好無聊咁先後兩日匿名為「屌人」，同好朋友作詞人黃俊郎喺網站互chat，周董喺網上話：「有時候真想回到之前的生活，要不是養那麼多人，不然也不用那麼辛苦，你最好能撐起一片天，這樣大家就可以沒負擔的放下工作去打球。」黃俊郎亦都幽佢一默話：「不是叫你不要養嗎？讓大家變得肥胖然後得到口蹄症幹嘛？」言下之意即係話周董班朋友係大食懶囉。
周董完全認同老友嘅說話，仲自嘲話：「我這棵植物，也就是你所謂的搖錢樹……」洋洋600字盡吐苦水，亦感覺到佢係當地拍戲幾悶同辛苦。

工作排得密密麻麻

其實周董的工作期的確又排得密麻麻，《青蜂俠》要拍到12月先收工，家又要返嚟宣傳同林志玲合作嘅《刺陵》，又要錄新碟，難怪佢有咁多苦水要吐。
其實佢已經唔係第一次咁呻，喺之前嘅訪問佢已經話：「要賺錢的話，我一個人夠了！」不過亦都證明周董人係個有情有義嘅人，為朋友甘當搖錢樹。