【新增動新聞】
潮流興曲線愛國，有人玩剪爛身份證，有人「7」住當選特首，點知有位球星將5粒黃色五角星紋上頭，仲玩埋夜光effect咁「夠pok」？

Sorry原來唔係邊位愛國青年，而係向來「髮」力無邊嘅多蒙特射手奧巴美揚；佢亦唔係宣揚咩政治訊息，只係幫一間法國髮型舖做宣傳啫。睇番呢間髮型舖來頭唔嘢小，顧客除咗奧巴美揚、達斯拿，最近幾位入選法國國家隊嘅摩納哥新星，好似「新亨利」基利安洛天、湯馬士林馬等都係搵佢飛髮，有興趣搵踢緊法甲或者法國球星「集郵」，不妨去碰吓運氣！不過，奧巴美揚之前試過將贊助商logo紋上頭搞到同球會有拗撬，玩還玩唔好惹禍上身呀！