倪晨曦（Elva）啱啱成立咗自己嘅工作室「晨㬢工作室」，幾年前離開舊公司之後，Elva獨立發展，先喺網絡平台大展拳腳，成功開拓自己嘅市場，不過一直以嚟都係one man band，喺未來日子會有更多發展，除咗幕前演出外，佢亦準備搞幕後製作，甚至會喺發展重點之一，日後會推出更多自己嘅製作短片，喺網上平台分享。

正式成為社長嘅Elva話：「近年工作量越嚟越大，需要更多人手，所以好想有個自己嘅地方，平時用嚟影相、拍片、剪片、製作等等，希望透過網絡世界，畀更多人睇到我嘅製作，即使唔同國家嘅人，都可以欣賞到。成立工作室，我覺得要提供一個好嘅環境，大家先可以創作到有質素嘅作品。」

Elva日前為「晨曦工作室」舉行咗個小型party慶祝，陳爽、朱韻韻、鍾浠文、李月等一班好姊妹身撐場，Elva話：「好開心佢哋嚟支持我，其實並唔係開張咁隆重，只係通知班好朋友一齊嚟影下相，志在開心下，除咗工作上認識嘅朋友，仲有啲係中學同學，難得佢哋都喺香港。」