執筆之時，港股跌緊接近千點，有如小股災一樣，不同板塊唔理強勢弱勢，清一色一片紅海，市場悲觀，熊市似再臨。

不過，調整同熊市有根本區別。今年股市特色為政策市，市場對中美兩國巨頭言論極之敏感，造成大升大跌假象，而且升或跌都係短時間內完成，如果見升追升，見跌追跌，左一巴右一巴，已經輸到破產。

筆者仍然維持今年股市只會係上落市，冇大升亦都冇大跌。環球經濟繼續穩中向好，大陸經濟亦未見惡化，港股上市公司係第一季業績亦續見增長，市盈率偏低下，要股災難度甚大，手持績優股無必要心急沽貨，當然短期大市可能繼續偏軟，不過基本面唔差下，再跌空間亦不多。

今年繼續炒股唔炒市，候低吸龍頭內地教育、醫藥股例如，楓業教育（1317）、石藥（1093），年尾埋單計數要跑赢大市亦該無難度。

咩路
Fb.com/whichroad

全球樓行 Dream House零距離
https://hk.feature.appledaily.com/overseasproperty