韓國演藝圈近日掀起「#metoo」反性侵、性騷擾運動，多名資深男星捲入其中，現年57歲嘅名導金基德同樣被爆涉性侵，甚至有疑似受害女星上節目指控金基德曾要求發生性關係及玩3P。

早前韓媒引述首爾地方警署消息，指警方正秘密調查金基德等共8名涉性騷擾嘅嫌疑人，而日前韓媒更報道曾任金基德助理嘅全宰洪，前年佢涉嫌喺首爾一間汗蒸房嘅男更衣室內，使用手機偷拍時男性，其偷拍行為當場被發現，警方事後喺佢嘅手機內發現十多段偷拍視頻。

前年9月全宰洪因涉嫌性暴力特別處罰法被起訴，喺上周五亦進行最後一輪嘅審判中，檢方就提出咗500萬韓圜(約3.7萬港元)嘅罰款要求，首爾西部地方法院將會喺下周三就案件進行宣判。

更多韓流，喺晒《娛果》
http://fb.com/appledailyent