華懋集團持有的尖沙咀赫德道16號全幢商廈放售多年未賣出，最新意向價約4億元。華懋集團執行董事及管治委員會主席龔仁心今日表示，這幢商廈有個初步構思，就是以平租租俾後生仔創業。考察過內地不少非牟利團體，專登幫後生仔搵好平嘅地方承租創業。

他續稱：「可惜暫時無NGO願意來打理，打理唔容易。唔想亂咁搞，要組織來運作先至好，希望搵一個有經驗組織來幫我地，但未搵到，係一個初步構思。繼續努力，唔係放盤，係希望幫創業青年提供一個合理租金嘅地方。唔收錢，可能後生仔無壓力，未必係一件好事。好似做慈善，我唔鐘意送錢俾你，你今餐有錢食飯，下餐無錢，咁點呀？又伸手呀？中國人有一個講法，授人以魚不如授人以漁，唔係送條魚俾你食，而係教你去捉魚。」

政府與社福界牽頭推出社會房屋共享計劃，以廉價租金出租業主借出單位予正輪候公屋的基層市民，華懋有份參與，並提供16間位於薄扶林。華懋執行董事及市場部總監龔中心指出，除了這16個單位，現在已經把集團旗下空置單位列出來，約數十個單位，明年年初會有第二個及第三個項目向政府報告。地區及實際數量未講得實。

蘋果財經，關心你飯碗
http://fb.com/appledailyatm