【本報訊】回顧一年學聯「莊期」，羅冠聰形容是「無驚無險完成咗」。不過持續受退聯重創，學聯僅餘四間院校成員，其中樹仁及中大早前亦表明考慮辦退聯公投。針對退聯派批評學聯透明度低，羅冠聰過去一年召開改革大會吸納意見，認為學聯開放程度明顯改善，除非有人另組更有凝聚力的大專平台，否則學聯仍具存在意義。

「學生會需共同決策平台」

羅冠聰承認學聯改革不能讓所有人滿意，他表示：「好多時學生唔願意參加，結果唔係咁全面，咁要問一個問題，到底係邊個責任呢？」他認為今屆學聯應更加積極商討改革，已經退聯的院校亦可加入商討，效果會更佳。
學聯成員大減，有聲音質疑其存在意義，甚至提出解散學聯，羅指學聯存廢是假命題，「最重要係大專學界學生會需唔需要一個共同體或者決策平台，答案係要。」
他指各大專學生同樣面對院校問題及關注社會時事，聯合行動可增加影響力，又指學聯不同年代經歷高低潮，不應因僅一、兩年出現問題便否定學聯意義。
不過，羅冠聰指若解散學聯後，有人另組平台增加大專學界凝聚力，「成員由4間變20間嘅，我就絕對唔介意」。
■記者蕭洛汶