當年今日
關於我們

趙學而戥《勁歌》設計師難過

蘋果日報 2002/01/17 00:00


趙學而昨日一身孕婦裝,在電視城拍攝《皆大歡喜》。問她對於吳君如在電台節目中,大踩《勁歌》頒獎禮主持人的服裝設計令人丟架一事有何看法?

純屬個人風格
學而說:「佢(吳君如)應該同設計師講,全部都係公司衫,佢重話似去咗夜總會,咁我終於有得見識吓啦,我都未去過夜總會。其實啲衫係配合成個騷,咁今次又唔係自己嘅騷,各有各着就好唔統一。」
學而續說:「呢啲說話俾設計師聽到,一定好唔開心,我自己就唔嬲,我夠瘦着得好睇。至於會唔會丟架,我唔知喎,每個人對靚嘅睇法都唔同,啲衫我覺得OK,雖然我平時都未必會着成咁,但未算丟架。」
採訪、攝影:王崇穎