今日無論係微博同facebook都畀阿媽洗版,但唔緊要啦,阿媽大晒嘛!剛才都睇咗好多藝人明星點慶祝母親節啦,咁不如同大家玩個遊戲,估下咁多位靚媽咪,佢哋嘅圈中仔女又係邊位呢?
1.呢位媽咪個女都係靚女一名,佢0依家同「力王」拍緊拖,沐浴愛河中,呢位星媽年輕時清秀可人,佢喺微博寫道: 「收工回到家,母親節到了!祝媽媽母親節快樂,媽媽我愛你!分享一張她年輕的照片吧,麥子們,嘿嘿。」
2.呢位男星0依家都拍緊拖,佢最擅長拍戲同打籃球,有隊籃球隊0架,佢媽咪同佢餅印一樣,兩母子相處融洽,既係母親亦似好朋友,佢阿媽今日戴住副超,舉起勝利手勢晒幸福,呢位男星更搞笑稱呼阿媽做肥婆呀: 「HappyMother'sDay!!Iloveu肥婆!!!!」
3.呢位女藝人今年初因拍劇而人氣急升,雖然身形份量十足,但個樣都幾標緻,好多網民話如果佢瘦番,必定係索女一名!
呢位女藝人晒媽咪年輕時照片,同佢依家幾似樣啵: 「下班回家已經零晨時分。看到媽媽已經睡了,但我也輕輕的說了一聲母親節快樂。不管再怎麼辛苦,只要看到父母親的睡臉是笑笑的幸福的那什麼都是值得的。祝願天下間的母親,母親節快樂。我媽年青時最喜歡的一張照。」
4.呢位台灣女星雖然工作繁忙,但平時亦愛再微博及facebook寫下感性字句,尤其係早前「再見論」,令人猜疑佢同緋聞男友係咪玩完?今年呢位女星又唔可以同媽咪度母親節啦,佢寫道: 「親愛的老媽子,今天又無法陪你過節了,謝謝你的體諒喔,對了,今晚你去kiki慶祝母親節時,麻煩你幫我多吃幾個老皮嫩肉喔!希望妳永遠健康、平安喜樂,愛你啦!」
5.呢位男星出名錫老婆,早排佢因為老婆出氣而爆粗鬧TVB;除咗錫老婆外,佢亦當然錫媽咪啦,原來佢媽咪好潮,都有玩facebook啵,佢話:「自從我阿媽有咗facebook之後,只要上網,佢就可以睇倒我喺邊、做緊乜......『媽咪,我喺北京,拍緊戲,母親節快樂!』」
答案:
1.賈曉晨媽咪
2.余文樂媽咪
3.陳嘉佳媽咪
4.舒淇媽咪
5.杜汶澤媽咪
逢周五隨《蘋果日報》附送嘅時尚美容雜誌《add》第二期已出版;拎唔到書嘅朋友,可以上番《add》嘅官網 http://hk.add.nextmedia.com/睇番足本網上版,除咗有陳慧琳訪問,仲有好多時裝靚嘢睇!