當年今日
關於我們

【短片】【歌迷慣咗開咗先撲飛】徐小鳳8場個唱僅30號全爆 $780仍有大把貨

蘋果日報 2016/07/26 06:00

蘋果演唱會香港即時徐小鳳娛樂個唱城市電腦售票網通利銷情告急

徐小鳳後日(28號)開鑼、一連八場紅館個唱突傳銷情告急,《蘋果》問大會發言人,對方稱:「演唱會有單丁位賣剩一點不出奇,如果紅館坐位不是單數,就會少一些這些情況囉!」又指啲飛一直銷情理想,有啲歌迷習慣每次都係開場後才撲飛。本報收到消息,盛傳呢次《徐小鳳演唱會2016》可能係最後一次個唱。(新聞連結:  http://bit.ly/2ar95Rw )

今日再睇番通利售票處嘅銷情表,除咗加場嘅5號6號兩場全線仲有飛外,30號星期六嗰場全爆,其他場次嘅貴飛780元大部分仲有位,$580元嘅全部得單丁位,$380同$280元嘅飛就仍然有大量。

不過小鳳姐演唱會發言人就解釋:「因為紅館行數係單數,通常係兩個、四個咁一齊睇騷,好多時都會有單丁位剩,呢個冇辦法㗎!除非紅館大裝修,行數係雙數,咁就會少一些這些情況出現囉。小鳳姐啲飛其實賣得好好,但佢有一啲老人家歌迷好得意,經常都係頭場開咗之後再狂撲飛,我哋都已經習慣了晒,所以一啲都唔擔心,外面o依家飛其實所剩無幾,大家想買好快啲去買。」